Description

Holi Baibul / Kriol Bible Revised 2019 / Australian Aboriginal Language

Imitation Leather

Bible Society in Australia

Holi Baibul

The Holy Bible in the Kriol language of Australia

ISBN 0647530066
EAN 9780647530061 / 978-0647530061
Pages 1552
Category Aboriginal
Publisher Bible Society Australia
Publication Date Apr 2019
Dimensions 250 x 190 x 40mm
Weight 1.286kg

Kriol is an Australian creole language which developed through contact between indigenous groups and European settlers in the northern region of Australia. It is spoken by approximately 30,000 people. It was formally recognised as a distinct language in the 1970’s with its own unique structure and grammar.

It has been in use for almost a century, being taught throughout the generations. Whilst influenced by European languages, the structure and grammar is based on traditional aboriginal languages.

For many Kriol speakers it is not just a language but an important part of their identity. For many Aboriginal people, Kriol is a part of who they are, especially for those who no longer use a traditional language. It identifies them as being Aboriginal.

“I don’t understand English so when I read the Bible in Kriol, it helps me to understand it.” Julie Miller, Minyerri Community as quoted in AuSIL brochure “What is Kriol?”

https://aboriginalbibles.org.au/kriol/

“God bin laigim ebribodi detmatj, en imbin jandim im ronwan san blanga dai blanga olabat, wulijim ebribodi hu bilib langa im garra abum det olagijawan laif en nomo dai. En mi na det San blanga im.

—John 3:16

GENESIS Portion:

Orait, longtaim wen God bin stat meigimbat ebrijing, nomo enijing bin jidan. Imbin jis eniwei, nomo garram enijing. Oni strongbala woda bin goran goran ebriwei, en imbin brabli dakbala, en det Spirit blanga God bin mubabat ontop langa det woda.
3 Brom deya God bin tok, “Lait!” En streidawei det lait bin kamat.✡ 4 En wen God bin luk det lait bin gudwan, imbin gudbinji.
5 Brom deya God bin kadimat det lait brom det dakbala, en imbin gulum det lait Deitaim, en imbin gulum det dakbala Naitaim.
Brom deya naitaim bin gowei, en wen imbin ailibala, imbin det sekan dei na.
6 Brom deya God bin tok, “Larram samting jidan blanga kadimat det woda en meigim det woda jidan miselpmiselp.”✡ 7 En imbin hepin lagijat na, dumaji God bin meigim det ting, en det ting bin kadimat det woda langa bodam brom det woda langa top, 8 en God bin gulum det ting Skai.
Brom deya naitaim bin gowei, en wen imbin ailibala, imbin det namba 3 dei na.
9 Brom deya God bin tok, “Larram det woda langa bodam hipimap miselp langa wan pleis blanga meigim draiwan kamat.” En imbin hepin lagijat na, 10 en God bin gulum det draiwan pat Graun, en imbin gulum det woda weya bin hipimap miselp langa wan pleis Solwoda. En wen God bin luk ebrijing bin gudwan, imbin gudbinji.
11 Brom deya God bin tok, “Larram det graun growimap olkain tri en gras en purdiflawa, sambala garram sid daga en sambala garram frut daga.” En imbin hepin lagijat na, 12 en det graun bin growimap olkain tri en gras en purdiflawa. En wen God bin luk ebrijing bin gudwan, imbin gudbinji.
13 Brom deya naitaim bin gowei, en wen imbin ailibala, imbin det namba 4 dei na.
14 Brom deya God bin tok, “Larram olkain lait kamat langa top blanga kadimat deitaim brom naitaim, en detlot lait garra shain blanga shoum wotaim ola difrinwan dei en ola difrinwan sisan en ola difrinwan serramoni garra stat, 15 en detlot lait garra shaindan brom det skai blanga gibit lait oloba langa dijan wel.” En imbin hepin lagijat na, 16 en God bin meigim dubala bigwan lait. Imbin meigim san blanga deitaim, en imbin meigim mun blanga naitaim, en imbin meigim bigismob sta du, 17 en imbin pudum ol detlot lait langa skai blanga shaindan oloba langa dijan wel, 18 en imbin pudum olabat deya blanga jidan deitaim en naitaim en blanga kadimat det lait brom det dakbala. En wen imbin luk ebrijing bin gudwan, imbin gudbinji.
19 Brom deya naitaim bin gowei, en wen imbin ailibala, imbin det namba 5 dei na.
20 Brom deya God bin tok, “Larram olkain fish en enimul jidan langa woda, en larram ola bard flaiflai langa skai.” 21 En God bin meigim ola difrinkain fish en enimul blanga jidanbat langa woda en imbin meigim sambala brabli bigwan enimul blanga jidanbat insaid langa det solwoda, en imbin meigim olkain difrinwan bard blanga flaiflai langa skai. En wen imbin luk ebrijing bin gudwan, imbin gudbinji. 22 Imbin gudbinji blanga ol detlot fish en enimul, en imbin dalim olabat blanga meigim miselp bigmob en bilimap det woda, en imbin dalim ol detlot bard blanga meigim miselp bigmob du.
23 Brom deya naitaim bin gowei, en wen imbin ailibala, imbin det namba 6 dei na.
24 Brom deya God bin tok, “Larram olkain enimul jidan langa dijan wel. Larram jidan olkain kwaitwan enimul en olkain wailwan enimul en olkain enimul weya wokabat garram binji langa graun.” 25 En imbin hepin lagijat na, dumaji God bin meigim ol detlot enimul. En wen imbin luk ebrijing bin gudwan, imbin gudbinji.
26 Brom deya God bin dalim miselp, “Wi lafta meigim pipul na. En wi lafta meigim olabat laik wi blanga jidan laik wi. Olabat garra jidan bos blanga ola fish en bard en blanga ola kwaitwan enimul en ola wailwan enimul en blanga ol detlot enimul weya wokabat garram binji langa graun.”✡
27 Brom deya God bin meigim dubala pipul laik imselp. Imbin meigim boiwan en gelwan,✡ 28 en imbin tok gudbinjiwei langa dubala, “Yunbala garra abumbat bigmob biginini, dumaji yunbala garram loda kantri blanga jidanbat. En detlot biginini blanga yunbala garra go ebriweya langa ola kantri en meigim miselp bos blanga detlot kantri, dumaji mi na meigim yumob bos blanga ola fish en ola bard en ola enimul.✡ 29 En blanga yumob daga ai gibit yumob olkain sid daga en frut daga blanga dagadagat. 30 En blanga ola enimul en ola bard ai gibit olabat gras en bushis blanga dagadagat.”
Wal ebrijing bin hepin lagijat na jis laik weya God bin tok. 31 En God bin luk ol detlot ting weya imbin meigim, en imbin brabli gudbinji, dumaji ol detlot ting bin brabli gudwan.
Brom deya naitaim bin gowei, en wen imbin ailibala, imbin det namba 7 dei na.